மதுரை ரயில்வே கோட்டத்தில் 77வது சுதந்திர தின விழாவை முன்னிட்டு, மதுரை கோட்ட ரயில்வே மேலாளர் பத்மநாபன் அனந்த் தேசிய கொடியை ஏற்றினார். இந்த நிகழ்வில் ஆர்.பி.எஃப் வீரர்களின் கண்கவர் அணிவகுப்பு நடைபெற்றது.
மதுரை ரயில்வே மேல்நிலைப் பள்ளி மாணவ, மாணவிகள் பங்கேற்றனர். எஸ்.ஆர்.டபிள்யூ.டபிள்யூ.ஓ., பள்ளி மற்றும் ரயில்வே மேல்நிலைப் பள்ளி மாணவ, மாணவியர் கலை நிகழ்ச்சிகளை வழங்கினர்.
கூடுதல் கோட்ட ரயில்வே மேலாளர் டி.ரமேஷ்பாபு, தலைமை திட்ட மேலாளர்/ கதி சக்தி திரு எம்.ஐயப்ப நாகராஜா, கோட்ட பணியாளர் அலுவலர் திரு டி.சங்கரன், கோட்ட பாதுகாப்பு ஆணையர் திரு வி.ஜே.பி. அன்பரசு மற்றும் அதிகாரிகள் , பணியாளர்கள் மற்றும் குடும்ப உறுப்பினர்கள் சுதந்திர தின கொண்டாட்டங்களை பார்வையிட்டனர்.
மதுரை கோட்ட ரயில்வே மேலாளர், கோட்டத்தின் சாதனைகள் குறித்து எடுத்துரைத்தார்.
2022-23 நிதியாண்டில் , மதுரை கோட்டத்தின் வருமானம் கடந்த ஆண்டுடன் ஒப்பிடுகையில் 29% அதிகரித்துள்ளது. 2023 ஏப்ரல் முதல் ஜூலை வரையிலான காலப்பகுதியில் கோட்டத்தின் வருமானம் ரூ .418.45 கோடி ஆகும் , இது முந்தைய ஆண்டின் இதே காலப்பகுதியில் ஈட்டிய வருவாய் ரூ.324.14 கோடி ரூபாயிலிருந்து கணிசமான வளர்ச்சியைக் குறிக்கிறது.
இக்காலப்பகுதியில் சரக்குப் போக்குவரத்தில் 85.46 வீதமும், பயணிகள் போக்குவரத்தில் 11.94 வீதமும் அதிகரித்துள்ளது. மதுரை கோட்டம் ஜூலை 2023 வரை 1.15 மில்லியன் டன் சரக்குகளை கையாண்டுள்ளது, இது முந்தைய ஆண்டின் இதே காலகட்டத்துடன் ஒப்பிடும்போது 9% அதிகரிப்பைக் குறிக்கிறது. தேனியில் சரக்கு பதிவு அலுவலகம் விரைவில் செயல்பாட்டுக்கு வரும் என எதிர்பார்க்கப்படுகிறது.
மின்மயமாக்கல்
2022-23 நிதியாண்டில், கோட்டம் 442 கிலோமீட்டர்களை மின்மயமாக்கியது, இது மொத்த பாதையின் 85% ஆகும். பகவதிபுரம் - எடமன் (33 கிலோமீட்டர்) மற்றும் மதுரை - போடிநாயக்கனூர் (90 கிலோமீட்டர்) இடையே நடைபெற்று வரும் மின்மயமாக்கல் திட்டங்கள் 2023 டிசம்பருக்குள் முடிக்க இலக்கு நிர்ணயிக்கப்பட்டுள்ளது.
தண்டவாள வேக அதிகரிப்பு
2022-23-ம் ஆண்டில் திண்டுக்கல்- பொள்ளாச்சி இடையே வேகம் 110 கி.மீ.ஆக உயர்த்தப்பட்டது., ஏப்ரல்-23 ஆம் தேதி, திருமங்கலம்-வாஞ்சி மணியாச்சி-திருநெல்வேலி பிரிவின் வேகம் 100 ல் இருந்து 110 கி.மீ ஆக உயர்த்தப்பட்டது. ஜூன்-23ல் நெல்லை-தென்காசி பிரிவில் 70 கிலோ மீட்டரில் இருந்து 110 கிலோ மீட்டராகவும், மதுரை-ஆண்டிபட்டி-தேனி பிரிவில் 80 கிலோ மீட்டரிலிருந்து 100 கிலோ மீட்டராகவும் (74.78 கிமீ), மதுரை-திருமங்கலம் பிரிவில் 90 கிலோ மீட்டரிலிருந்து 100 கிலோ மீட்டராகவும் (17.3 கிலோ மீட்டர்) உயர்த்தப்பட்டது.
நடைமேம்பாலம்
திருப்பாச்சேத்தி, திருமயம், வெள்ளனூர், அய்யலூர், ஆறுமுகனேரி, கடம்பூர், குமாரமங்கலம் ஆகிய ரயில் நிலையங்களில் 7 நடைமேம்பாலங்கள் அமைக்கப்பட்டுள்ளன.
உயர் மட்ட மேடைகள்
சிவகங்கை , குமாரமங்கலம் , கல்லல் , தாமரைப்பாடி ஆகிய நிலையங்களில் உயர்மட்ட நடைமேடைகள் கட்டப்பட்டன.
அம்ரித் பாரத் ரயில் நிலையத் திட்டம்
அம்ரித் பாரத் ரயில் நிலையத் திட்டத்தின் கீழ், மாண்புமிகு பாரதப் பிரதமர் அவர்கள், மதுரைக் கோட்டத்தில் உள்ள 2 ரயில் நிலையங்கள் உட்பட, இந்திய இரயில்வே முழுவதும் 508 ரயில் நிலையங்களை மேம்படுத்துவதற்கு அடிக்கல் நாட்டியுள்ளார்கள்.
இந்த திட்டத்தில், நடைமேம்பாலங்கள், லிப்ட்கள், வாகன நிறுத்துமிடம், ஒருங்கிணைந்த பயணிகள் தகவல் அமைப்புகள், அறிவிப்பு பலகைகள், காத்திருப்பு அறைகள், நடைமேடை மற்றும் தங்குமிட மேம்பாடுகள், கழிப்பறைகள், மேம்பட்ட வெளிச்சம் மற்றும் மின்சார விநியோக ஏற்பாடுகள் போன்ற வசதிகள் அடங்கும். மதுரை கோட்டத்தில் உள்ள 15 ரயில் நிலையங்களில் ரூ.103.29 கோடி மதிப்பீட்டில் இப்பணிகள் நடைபெற்று வருகின்றன.
