மதுரையின் முன்னணி மல்டிஸ்பெஷாலிட்டி மற்றும் அவசர சிகிச்சை மருத்துவமனையான தேவதாஸ் மருத்துவமனையில் இன்று தேசிய எலும்பு மற்றும் மூட்டு தினம் கொண்டாடப்படுகிறது .
‘ஒவ்வொருவரும் ஒருவருக்கு பயிற்சி அளித்து ஒவ்வொருவரையும் காப்பாற்றுவோம்’என்ற கருப்பொருள், சாதாரண மனிதனுக்கும் முதலுதவி பயிற்சி அளிப்பதை வலியுறுத்துகிறது.
இந்திய எலும்பியல் சங்கத்தால் (IOA) ஏற்பாடு செய்யப்பட்டு, 2012 முதல், ஆகஸ்ட் 4 ஆம் தேதி இந்தியாவில் தேசிய எலும்பு மற்றும் மூட்டு தினமாக அறிவிக்கப்பட்டது. இந்த வருடாந்திர நிகழ்வு ஆகஸ்ட் 1 முதல் ஆகஸ்ட் 6 வரை ஒருவாரகால விழிப்புணர்வு நிகழ்வுகளாக கடைபிடிக்கப்படுகிறது.
செய்தியாளர்களிடம் பேசிய தேவதாஸ் மருத்துவமனையின் தலைவர் பேராசிரியர் டாக்டர் ஏ.தேவதாஸ், “இந்திய மக்களிடையே எலும்பு ஆரோக்கியம் குறித்த விழிப்புணர்வை ஏற்படுத்துவதும், நோய் தடுப்பு மற்றும் செலவு குறைந்த எலும்பு மேலாண்மை நடவடிக்கைகளை மேம்படுத்துவதுமே தேசிய எலும்பு மற்றும் கூட்டு தினத்தை கொண்டாடுவதன் முதன்மை நோக்கமாகும். நாடு முழுவதும், IOA இன் பிரிவுகள் மாணவர்களுக்கும் பொதுமக்களுக்கும் எலும்பு ஆரோக்கியம் பற்றிய கல்வி விரிவுரைகளை வழங்கியும் வருகின்றது , மேலும் எங்கள் மருத்துவமனை மதுரையில் இந்த முயற்சியை முன்னெடுத்து வருகிறது” என்று கூறினார்.
“குறைந்தது ஒருவரின் உயிரையாவது முதலுதவி மூலம் காப்பாற்றபட ஒருவரைப் பயிற்றுவிப்பதுதான் இந்த ஆண்டின் எலும்பு மாற்று மூட்டுனால தினத்திற்கான கருப்பொருள். உலகசாலைகள் ஆணைய புள்ளிவிவரப்படி 199 நாடுகளில் சாலை விபத்துகளால் ஏற்படும் இறப்புகளின் அடிப்படையில் இந்தியா 1வது இடத்தில் உள்ளது. 18-45 வயதுக்குட்பட்டவர்களுக்கே அதிக எண்ணிக்கையிலான விபத்துக்கள் நிகழ்கின்றன. இந்தியாவில் சாலை விபத்துகளால் பாதிக்கப்படுபவர்களில் கிட்டத்தட்ட 69.3 சதவீதம் பேர் இந்த வயதுப்பிரிவினரே, அதில் ஆண்கள் 86% தில் முன்னணியில் உள்ளனர் மற்றும் பெண்கள் 14% ,” என்று டாக்டர். தேவதாஸ் சுட்டிக்காட்டினார்.
மருத்துவர் தேவதாஸ் அவர்களை தொடர்ந்து கருப்பொருளை விரிவுபடுத்திய தேவதாஸ் மருத்துவமனையின் துணைத்தலைவர் டாக்டர். சதீஷ் தேவதாஸ், “இந்த சாலை விபத்து மரணங்களில் பெரும்பாலானவை விபத்து நடந்த உடன் கிடைக்க வேண்டிய மருத்துவ பராமரிப்பு அல்லது முதலுதவி இல்லாததால் ஏற்படுகின்றன. இம்மணித்துளிகளையே ஒருவர் உயிர்பிழைக்க பொன்னான நேரம் என கருதப்படுகிறது . மேலும் பாதிக்கப்பட்டவர்களுக்கு முறையான முதலுதவி அல்லது அடிப்படை உயிர்காக்கும் உதவிகள் வழங்கப்பட்டால் இந்த சாலை விபத்து மரணங்கள் நிச்சயமாக குறைக்கப்படும். இது தொடர்பாக, சாமானியர்களுக்கு பயிற்சி அளிக்க உள்ளோம். சாமானியர் யாராக வேண்டுமானாலும் இருக்கலாம். ஒரு இல்லத்தரசி, ஒரு தெரு வியாபாரி, ஒரு ஆட்டோ ரிக்ஷா ஓட்டுநர், ஒரு சாலையோர கடைவைத்திருப்பவர், ஒரு கடை உரிமையாளர் மற்றும் கடமையில் இருக்கும் போக்குவரத்து போலீஸ் கான்ஸ்டபிள் கூட அடிப்படை பயிற்சி வகுப்பில் ஈடுபடலாம்.
“இந்த வாரம் முதல் தொடங்கி வரும் ஆண்டில் ஒரு இலட்சம் பேருக்கு மேல் பயிற்சி அளிக்க வேண்டும் என நிர்ணயித்துள்ளோம். இது நமக்கு நாமே வகுத்துக்கொண்ட லட்சிய இலக்கு. பல தன்னார்வ தொண்டு நிறுவனங்கள், சங்கங்கள் மற்றும் அரசு அமைப்புகள் உயிரைக் காப்பாற்றும் இந்த முயற்சியில் எங்களுடன் இணைந்து செயல்பட தயாராக உள்ளது மகிழ்ச்சி அளிக்கிறது ,” என்று டாக்டர்.சதீஷ்தேவதாஸ் மேலும் கூறினார்.
இந்நிகழ்வில் பேராசிரியர்டாக்டர்ஏ. தேவதாஸ் மற்றும் டாக்டர். சதீஷ் தேவதாஸ் ஆகியோருடன் டாக்டர். டி.சி. தீபக், மூட்டு மாற்று அறுவை சிகிச்சை நிபுணர், டாக்டர். பி. பிரதீப், ஆர்த்ரோஸ்கோபி & ஸ்போர்ட்ஸ் மெடிசின், மற்றும் தேவதாஸ் மருத்துவமனையின் முதுகெலும்பு அறுவை சிகிச்சை நிபுணர் டாக்டர். விபுகிருஷ்ணன் ஆகியோர் கலந்து கொண்டு தேவதாஸ் மருத்துவமனையில் மேற்கொள்ளப்படவிருக்கும் பல்வேறு பயிற்சித் திட்டங்களை பற்றியும் தெரிவித்தனர்.
இம்மருத்துவமனையின் எலும்பியல் துறையானது 50 ஆண்டுகளுக்கும் மேலான அனுபவத்துடன் நோயாளிகளுக்கு உலகத்தரம் வாய்ந்த மருத்துவ நிபுணத்துவத்தை வழங்குவதில் உறுதி செய்யும் வகையில் மிகவும் அனுபவம் வாய்ந்த மருத்துவர்கள் மற்றும் அறுவை சிகிச்சை நிபுணர்களைக் கொண்ட குழுவைக் கொண்டு செயல்பட்டு வருகிறது . இத்துறையில், மூட்டு மாற்று அறுவை சிகிச்சைகள், ஆர்த்ரோஸ்கோப்பி சிகிச்சைகள், முதுகு தண்டுவட அறுவை சிகிச்சைகள், குழந்தைகள் எலும்பியல் சிகிச்சை மற்றும் விளையாட்டு காய சிகிச்சைகள் போன்ற சிகிச்சைகளுடன் நன்குமேம்படுத்தப்பட்ட கருவிகள் மற்றும் மேம்பட்டசிகிச்சைகள் வழங்குவதில் திறன் வாய்ந்து விளங்குகிறது. திறமையான வல்லுநர்கள் மற்றும் அதிநவீன வசதிகளின் சரியான கலவையுடன், எலும்பியல் துறையானது சிகிச்சை என்ற ஒண்டாய் மட்டும் கருத்தில் கொள்ளாமல் நோயாளியின் நல்வாழ்வு மற்றும் திருப்திக்கு முன்னுரிமை அளிக்கிறது.
